Djelo nadrealiste Salvadora Dalija staro 75 godina moglo bi da bude prodato za 10 miliona dolara na Sotbijevoj aukciji idućeg mjeseca u Njujorku.
Slika “Printemps necrophilique” iz 1936. predstavlja muškarca koji sjedi i ženu koja stoji u uznemirujućem okruženju. Sotbi (Sotheb'y) je sliku procijenio na 8 do 12 miliona dolara i naći će se na aukciji impresionističke i moderne umjetnosti 2. maja.
Slika je posljednji put bila predstavljena u javnosti prije 15 godina.
Kako prenosi Rojters, umjetnost nadrealizma proteklih sezona veoma je tražena, a slike Maksa Ernsta ili Pola Delvoa prodate su po nekoliko puta višim cijenama od procijenjenih.
Dalijev “Portret Pola Eluara” postavio je rekord za neko nadrealističko djelo kada je u februaru 2011. prodat za 21,7 milion dolara.