<img height="1" width="1" style="display:none" src="https://www.facebook.com/tr?id=198245769678955&ev=PageView&noscript=1"/>

Drama u Njemačkoj: Demonstranti pokušali da probiju kordon, sukobili se sa policijom

29. juni 2024, 12:00

Njemačka policija upotrebila je biber sprej i palice u sukobu sa demonstrantima u gradu Esenu, gdje se održava dvodnevni Kongres stranke krajnje desnice Alternativa za Njemačku (AfD), saopštila je danas policija.

Navodi se da je velika grupa demonstranata pokušala da probije kordon policije koja je tom prilikom upotrijebila biber sprej i palice da bi ih zaustavila.

Nije poznato da li ima povrijeđenih među demonstrantima.

Njemačka novinska agencija DPA navodi da se očekuje da će u Esen stići do 100.000 demonstranata. Vlasti su zabrinute jer iako se očekuje da će demonstracije proteći mirno, smatraju da bi oko 1.000 levičarskih ekstremista moglo da na nasilan način pokuša da omete održavanje Kongresa AfD.

Aktivisti iz levičarskih grupa najavili su blokade ulaza Arene “Grugahale” u kojoj se održava kongres kako bi spriječili ulazak učesnika.